තරුණියකට පහර දී පසුව ඇයව බලහත්කාරයෙන් ලැගුම් හලකට කැදවාගෙන ගොස් දුෂණය කළ බව කියන ත්‍රී රෝද රථ රියදුරෙකුව අත්අඩංගුවට ගෙන ඇති බව වෙන්නප්පුව පොලීසිය කියයි. අතවරයට ලක්ව ඇත්තේ දංකොටුව - ගෝනාවිල පදිංචි 28 හැවිරිදි තරුණියකි. අතවරයට පත් තරුණිය සැකකරු සමග කාලයක් ප්‍රේම සම්බන්ධතාවයක් පවත්වා ඇත.පසුව මෙම සම්බන්ධය තරුණිය විසින්ම අතර මග නවතා දමා ඇත.
පසුගිය 07 වැනිදා තරුණිය බස් රථයකින් ගමන් කරමින් සිටින විට වෙන්නප්පුව - තෝප්පුව ප්‍රදේශයේදී සැකකරු විසින් ඇයව ඉන් බිමට බස්සවා ගෙන ඇත.එම අවස්ථාවේදී දෙදෙනා අතර ඇතිවු බහින් බස් වීමකින් පසුව සැකකරු විසින් තරුණියට අතින් පයින් පහර දී ඇත. අනතුරුව තෝප්පුව ප්‍රදේශයේ පිහිටි ලැගුම්හලකට තමන්ව බලහත්කාරයෙන් කැදවා ගෙන ගිය සැකකරු එහිදී තමන්ට
අතවර කළ බව සිද්ධියට මුහුණ දුන් තරුණිය පොලීසියට පවසා ඇත.
තරුණියගේ පැමිණිල්ලට අනුව සැකකරුව පොලීසිය විසින් අත්අඩංගුවට ගෙන ඇත.ඔහු මාදම්පේ - පට්ටියගම පදිංචි ඔහු ත්‍රී රෝද රථ රියදුරෙකි.
අතවරයට පත් තරුණිය ප්‍රතිකාර සහ වෛද්‍ය පරීක්ෂණයක් සදහා මාරවිල මුලික රෝහලට ඇතුළත් කර ඇත.සැකකරු මාරවිල දිසා අධිකරණයට ඉදිරිපත් කිරීමට නියමිතය.
වෙන්නප්පුව පොලීසිය වැඩිදුර පරීක්ෂණ කරගෙන යයි.
No comments:
Post a Comment