ප්‍රේමය බිඳී ගියෑයි වියරුවෙන් පෙම්වතා, පෙම්වතිය සහ ඇගේ මව මරා දමයි

අනුරාධපුර පරණ නුවර පාරේ අභයපුර ප්‍රදේශයේ නිවසකට පෙරේදා (28 දා) රාත්‍රි කඩා වැදුණු තිස්‌ හැවිරිදි තරුණයකු විසින් එකම පවුලේ මවක සහ දියණියක කැත්තකින් කපා කොටා ඝාතනය කොට ඇත.

මෙහිදී කැති ප්‍රහාරයට ලක්‌ව මියගිය තරුණියගේ හැට දෙහැවිරිදි පියා බරපතළ කැපුම් තුවාල සහිතව ප්‍රතිකාර සඳහා අනුරාධපුර ශික්‌ෂණ රෝහලට ඇතුළත් කර තිබේ.

මෙම ද්විත්ව ඝාතනය පෙරේදා (28 දා) රාත්‍රි 8.00 ත් 8.30 ත් අතර කාලයේ සිදුකොට ඇති බව පොලිස්‌ පරීක්‌ෂණවලදී අනාවරණය වී ඇත.

කොටි සිරකරු අල්ලන්න ජනතා සහාය පතයි

මාතර ප්‍රදේශයේදී බන්ධනාගාර නිලධාරීන්ගෙන් මිදී පලාගිය සිරකරුවකු වන බාලසුබ්‍රමනියම් ජදීසන් හෙවත් වර්ධන් නමැත්තාගේ ඡායාරූපයක්‌ මෙහි දැක්‌වේ. මෙම සැකකරු සම්බන්ධයෙන් තොරතුරු දන්නේ නම් ඒ ගැන ත්‍රස්‌ත විමර්ශන කොට්‌ඨාසයේ 011-2451634 ට හෝ 011-2451636 යන දුරකථන අංකවලට දැනුම් දෙන්නැයි පොලිස්‌ මූලස්‌ථානය මහජනතාවගෙන් ඉල්ලා සිටියි.