ගැසට්‌ පත්‍රයට ජනපති අත්සන් තබයි
මධ්‍යම හා වයඹ පළාත් සභා ඊයේ (05 වැනිදා) මධ්‍යම රාත්‍රියේ සිට විසුරුවා හරිනු ලැබ ඇත. මධ්‍යම පළාත් ආණ්‌ඩුකාර ටිකිරි කොබ්බෑකඩුව හා වයඹ පළාත් ආණ්‌ඩුකාර තිස්‌ස ආර්. බලල්ල යන මහත්වරු ඊයේ (05 දා) පෙරවරුවේ විසුරුවා හැරීමේ ගැසට්‌ නිවේදනවලට අත්සන් කළහ.
මේ අතර උතුරු පළාත් සභාව සඳහා මැතිවරණයක්‌ පැවැත්වීමට අදාළ ගැසට්‌ නිවේදනයට ජනාධිපති මහින්ද රාජපක්‍ෂ මහතා විසින් අත්සන් කරනු ලැබූ අතර එම ගැසට්‌ නිවේදනය ඊයේ (05 දා) පෙරවරුවේ මැතිවරණ කොමසාරිස්‌ මහින්ද දේශප්‍රිය මහතා වෙත යොමුකර තිබේ.
