කුරුණෑගල ප්‍රධාන බස්‌ නැවතුම්පළේ රාත්‍රි මුර සේවයේ යෙදී සිටි ආරක්‌ෂක නිලධාරියකු බස්‌ නැවතුම්පළේ අවතැන්වී සිටි සුරූපී මුස්‌ලිම් ජාතික තරුණියක්‌ දූෂණය කර බස්‌ රථයකින් කොළඹට පිටත්කර යෑවීම සම්බන්ධයෙන් එම නිලධාරියා පොලිස්‌ අත්අඩංගුවට ගෙන අධිකරණයට ඉදිරිපත් කිරීමට කුරුණෑගල මූලස්‌ථාන පොලිසිය පියවර ගෙන ඇත.
ඉකුත් 03 වැනිදා රාත්‍රියේ මෙම සිදුවීම සිදුවී ඇත. මෙම තරුණිය තම දෙමාපියන් සමග අමනාප වී පැමිණ තිබේ. බස්‌ නැවතුම්පළේ ආරක්‌ෂක නිලධාරියකු මෙම තරුණිය මල්කඩුවාව ප්‍රදේශයේ ලැගුම්හලකට රැගෙන ගොස්‌ දූෂණය කර තිබේ. ඇය දූෂණය කර නැවත
බස්‌ නැවතුම්පළට රැගෙනවිත් කොළඹ බලා යන බස්‌ රථයකට නංවා ඇත. තරුණිය රාත්‍රියේ කොළඹ නගරයේ සිටි මොහොතේ පොලිස්‌ නිලධාරීන් අත්අඩංගුවට ගෙන කරුණු විමසීමෙන් අනතුරුව කුරුණෑගල පොලිසියට දන්වා පරීක්‌ෂණ පැවැත්වීමේදී බස්‌ නැවතුම්පළේ රාත්‍රි සේවයේ යෙදී සිටි ආරක්‌ෂක නිලධාරියා අත්අඩංගුවට ගෙන තිබේ.
මෙම ආරක්‌ෂක නිලධාරියා තරුණියට ලබාදී තිබූ ජංගම දුරකථන අංකය භාවිත කිරීමෙන් මොහු අත්අඩංගුවට ගැනීමට හැකිවී ඇත.
තරුණිය වෛද්‍ය පරීක්‌ෂණයට භාජන කිරීමෙන් පසු ඇය දූෂණය කර තිබෙන බවට අනාවරණය වී තිබේ. අත්අඩංගුවට පත් සැකකාර ආරක්‌ෂක නිලධාරියා කුරුණෑගල මහෙස්‌ත්‍රාත් අධිකරණයට ඉදිරිපත් කිරීමෙන් අනතුරුව මෙම මස 19 දින තෙක්‌ රක්‌ෂිත බන්ධනාගාරගත කරන ලෙස අධිකරණය නියෝග කර ඇත.
No comments:
Post a Comment