පාපන්දු පිටියේ හිටපු කුකුල් කේන්තිකාරයෙක් විදිහට ප්‍රකට ඩියාගෝ මැරඩෝනා පසුගියදා තවත් ගැටුමක් ඇතිකරගත්තා. මෙවර ඔහු පහරදුන්නේ ඔහුගේම පෙම්වතිය වූ 22 හැවිරිදි රෝසියෝ ඔලිවියාටයි. ගුවන්යානයක් තුළ දී කළ මේ පහරදීමෙන් මැරඩෝනා ගුවන් මගීන්ගේ දැඩි අප්‍රසාදයට ලක්වී තිබුණා.
මේ සිදුවීම වුණේ ඔහුගේ හිටපු පෙම්වතිය 33 හැවිරිදි වෙරෝනිකා ඔඩේජාට ලැබුණු සිඟිති පුතා දැක බලා ගැනීමට ගිය ගමනේ දියි. ඔහුට දාව වෙරෝනිකාට ලැබුණු මේ දරු සිඟිත්තා දැක බලාගැනීමට 52 හැවිරිදි මැරඩෝනා ගියේ පළමු වතාවටයි. හිටපු පෙම්වතියගෙන් ඔහු වෙන්වෙන විට ඇය සිවුමසක ගැබිණියක්. කොහොමවුනත් හිටපු පෙම්වතිය සම්බන්ධ කරුණක් හේතුවෙන්
ඔහුගේ අලුත්ම පෙම්වතිය උරණවී සිටි බවත්, ඒ හේතුවෙන් මැරඩෝනා ඇයට පහරදුන් බවත් ඒ මොහොතේ ගුවන්යානයේ සිටි මගීන් මාධ්‍යවේදීන්ට කියා සිටියා.
ගුවන්සේවිකාවන් හා ඒ මොහොතේ ගුවන්යානයේ ව්‍යාපාරික පන්තියේ සිටි ආර්ජෙන්ටිනාවේ සාන්ත ෆේ පළාත් ආණ්ඩුකාරවරයාගේ බිරියත් මැරඩෝනාගේ ගැටුම සමථයකට පත්කිරීමට උත්සාහ කර තිබුණා.
No comments:
Post a Comment